हरवलेलं

आज सकाळी उठलोय.
बरच काही हरवलेलं आहे
सापडत नाहीय
असं काहीसं झालंय.
हरवल्याचं दुःखच नाहीये नुसतं.
वेदनांच्या जवळ जाणारं वर्तुळ
तुटत नाहीये ते.
आणि तोडणारही नाहीय.
ते विरघळेल कालौघात.
विरघळताना पाहिलय बऱ्याच जणांचं.
माझंही काय दुसरं होणारेय!
तेच! तेच!!

वधु संशोधनातील गमती

वधु संशोधन बैठकीत
 वूड बी वधूला
कविता करते का?
 असा गुगली
वरपक्षाकडील मंडळी टाकतात.

" करत होती "
ह्या समर्पक उत्तराने
हा गुगली सहजपणे
 खेळून काढता येतो.
आत्मविश्वास वाढल्याने
मुलगी पुढच्या चेंडूंवरही
 बाद होत नाही.
उलट प्रतिपक्षाकडून
फटकेबाजी करण्याजोगे
चेंडू पडण्यास सुरुवात होते.
😂😂